Мяне завуць Света Волчак.

Я займаюся тэарэтычнай фізікай. І мой фокус – тэорыі 20 стагоддзя. Гэта квантавая механіка, тэорыя адноснасці, касмалогія, квантавая электрадынаміка, стандартная мадэль, тэорыя струнаў і іншыя.

Я вучылася ў БДУ, на факультэце радыёфізікі і кампьютарных тэхналогій з 2006 па 2012. І працавала там з 2014 па 2020 у лабараторыях агульнай фізікі (лабараторыі па механіцы, малекулярнай фізіцы, оптыцы, электрычнасці, атамнай фізіцы). Мяне звольнілі ў 2020 і з 2021 я раблю індывідуальныя заняткі!

Я называю сябе папулярызатаркай фізікі, раблю адкрытыя лекцыі і відэа, і выкладаю ўсе гэта на свой ютуб. Таксама з 2023 года я з сябрамі ствараю навукова-папулярны зін па-беларуску “Pamylka”.

І, так, мая мара – пабудаваць Вялікі Палесскі Калайдар, з дапамогай якога мы знойдзем Тэорыю Ўсяго!

А цяпер пра правядзенне заняткаў:

Заняткі праходзяць онлайн. З кожным вучнем мы ствараем індывідуальную прастору. На ёй вядзецца ўлік кожнага занятку, кожнай тэмы. На кожны занятак ствараецца онлайн дошка для малявання, дзе напрацягу занятку мы пішам тэорыю, выводзім формулы, рашаем задачы. Гэтая інфармацыя застаецца з вучнем назаўсёды. І заўжды можна заглянуць і ўзгадаць тэму!

Па любых пытаннях, калі ласка, пішыце мне!